Z Města/Cottbus. Wjelgin wuspěšna jo była wernisaža noweje wósebneje wustajeńce w chóśebuskem Serbskem muzeju. Něźi 70 luźi jo pśichwatało pětk pśed dwěma tyźenjoma na wótwórjenje wustajeńce „Ze žeńskecym póglědanim – Mit weiblichem Blick“. Teke w běgu zarědowanja su hyšći woglědaŕki a woglědarje pśišli. A tak ako kuratorka, jo se tek jadna abo druga woglědaŕka ku tej góźbje serbsku drastwu woblekała.