Z Rownego/Rohne. Njeźelu su na Njepilic dwórje kjarmušu swěśili, a to k 22. razoju. Ale tak, ako te cłonki towaristwa tu kjarmušu w drugich lětach wugótuju, njejo to lětosa šło. Zyma, wichor a dešć su tomu zadorali, tak su tencas nutśi kjarmušowali. W śopłej dobrej śpicce Hanza Njepile jo to było spódobne, wjedra dla jo tak a tak mjenjej woglědari pśišło. Wšykne su městno namakali za bogaśe nanosonymi blidami a teke domacna kapała, Grodkojska dujaŕska gilda, jo se pśiměriła na wejśpinu głosnosć. Dobra lawna a spódobnosć stej tak byłej zawěsćonej, toś jo směło wence se wichoriś a se padaś, ako jo kśěło.