Ze Smochćic/Schmochtitz. W pśibytnosći něgajšnych lawreatow, pśijaśelow lětosneju wuznamjenjoneju a wósobinow zjawnego serbskego a regionalnego žywjenja, mjazy nimi zastupujucy budyšyński krajny raźc Swen Nowotny, jo Barbara Klepsch, sakska ministaŕka za kulturu a turizm, Myto Ćišinskego pósćiła. Julianoju Nyčy jo se nejpjerwjej pśepódało Spěchowańske myto Ćišinskego, Měrćinoju Weclichoju pótom Myto Ćišinskego. Pśedsedaŕ załožboweje rady Marko Kowar jo pśi wuwitanju na swětosnem zarědowanju sobotu wótpołdnja w Smochčańskem kubłanišću swětego Bena na to pokazał, až jo to 15. pósćenje nejwušego serbskego myta pó pśewrośe.