Luise

Kschenka

Luise jo z Barlinja, ale póchada z Baršća a ma serbsku familiju w Drjenowje, jeje starka jo maminorěcna a teke druge pśiswójźbne powědaju serbski. Weto jo dlejša droga – pśez Łatyńsku Ameriku a Špańsku – ju wjadła slědk k swójim serbskim kórjenjam. Za swóju kulturu jo se pśecej zajmowała, ale z rěcu njejo měła pśewjele kontakta. Akle w běgu swójogo pśebywanja we Łatyńskej Americe dla wótpowědujucego studiuma łatyńskoamerikanistiki a jura jo wóna pśez tamnjejšu kulturu a rěcy markowała, až ma sama bejnje interesantne kórjenje. Zorja ma wóna za wjelicnu móžnosć za dłujki cas ze serbskeju kulturu a rěcu se zaběraś a z drugimi luźimi, kótarež se zajmuju za to serbske, do kontakta pśiś.

Mimo togo co wót staršych pśiswójźbnych něco wuknuś. Z drastwinymi źělami swójeje starkeje ma něco ze serbskeje kultury, což móžo do ruki wześ. A mimo togo jo se mysliła: „Gaž se woblekam drastwu, trjebam teke rěc. Dokulaž gaž se něchten na mnjo serbski wobrośijo, jo to głupe, gaž njamógu serbski wótegroniś.“