Z Łužyce/Lausitz. Wót wušej 20 lět źěła Krajny zawod drogownistwo (Landesbetrieb Straßenwesen) na wobchadowem projekśe, kenž se měri na wóteběranje wobchadowego brěmjenja jsow pósporomje zwězkoweje drogi 169 (B169), wósebnje Wołobuza (Allmosen) wóteběra. Wołobuz to južo pomina wót skóro 30 lět. Nejwětše zadory su se mjaztym pśewinuli, 2026 dej se zachopiś zwěsćenje plana (Planfeststellung) a twaŕ mógała se hyšći we tom lěśe startowaś. Wšak něnto jo se zroźiła ideja kompletnje nowego pśeběga trase (Trassenführung). Pómyslona cera by wjadła w pódzajtšu tuchylneje cery B169. Z Domašojc (Domsdorf), prěki pśez Nowe Wiki (Neupetershain) a Wjelcej (Welzow) až k pśizamknjenju na B156 mjazy Bobošojcami (Bahnsdorf) a lětanišćom Wjelcej.