Z Uebigau-Wahrenbrücka. 6. Łužyski festiwal su njeźelu w briketowni Louise – techniski pomnik a nejstarša briketownja Europy – pśi Carnem Halštrje z inscenaciju „Sonettfabrik“ pó Williamje Shakespearu wótwórili. Ministaŕka statneje kanclaje Bramborskeje Kathrin Schneider (SPD) jo pódšmarnuła: „Pśedstajenje na toś tom wósebnem městnje wuzwignjo ideju festiwala, kótaraž za kwalitu w změnje stoj.“ Až do 14. septembra se wótmějo lětosny łužyski festiwal z dogromady 34 zarědowanjami. Jo to wjelicke kulturne tšojenje a jaden tych kulturnych projektow, ak nosytej Bramborska a Sakska gromadu.