Z Drjejc/Drewitz. To jo wjelgin gnujuce, gaž se luźe angažěruju za swóju wjas. Tak jo to w Drjejcach. Pśicyna jo jich wejsna cerkwja. Wóna buźo skóro swěśiś jubilej, ale do togo musy se tam hyšći wjele cyniś.

Prědny raz jo se drjejcańska cerkwja naspomnjeła 1652. Wót wšogo zachopjeńka jo była filialna cerkwja Janšojc. 1717 jo se twarjenje wótpaliło a zasej natwariło ako drjewjana cerkwja z tormom. Pśi wizitaciji 1795 su skjaržyli, až jo tegdy južo wušej 100 lět stara cerkwja pśemała, a wjele wěrjecych musy namšu stojaś wence. Dla tog jo była 1827 natwarjona cerkwja wětša.

Reinhard Šultka zwězujo z cerkwju něco wósobinskego. Chóry nan jo do swójeje smjerśi jogo napominał, až dej se wó cerkwju staraś. Wón jo w cerkwi dupjony, wěrowany a teke 40 lět jo był w cerkwinej raźe.