Ze Slěpego/Schleife. Gethu Muralidharan powěda rada wó swójej wěrje. Pón rozkłaźo stawizny a tradicije we hinduizmje. „Wažny jo nam respekt pśed pśirodu, respekt pśed staršymi luźimi, a dalej dawaś derbstwo cłowjeskosći. To nejwětše we spiritualnosći jo, staršym pokazaś, kak wjelgin se jich wažymy“, wulicujo młoda žeńska z pódpołdnjoindiskego města Kerala njeźelu, 29. junija, we ewangelskej cerkwi w Slěpem. W Drježdźanach wóna studěrujo industrijowe zawodowe góspodaŕstwo a wjeźenje pśedewześa. Jeje portrej słuša k wósym wobrazam žywych wósobow we aktualnej drogujucej wustajeńcy „Widobna wjelerakosć nabóžninow w Saskej/Sichtbare Vielfalt der Religionen in Sachsen“. Wót julija 2024 se wóna pokažo wót Sakskeje krajneje centrale za politiske kubłanje. Wót 29. junija do 20. julija gastěrujo ta wustajeńca w slěpjańskej wejsnej cerkwi.