Ze Žylowa/Sielow. Lětosa – wót 19. do 21. septembra – buźo w Žylowje wjeliki swěźeń, wjeliki ruš. Pón kśě wobydlarje gromaźe z młogimi gósćimi wóswěśiś, až toś ta serbska wjas, ako słuša něnto k Městoju, kradu 725 lět wobstoj. Tak nanejmjenjej stoj to w starych aktach. Južo něnto se w Žylowje na ten jubilej pilnje pśigótuju – w towaristwach, w šuli a w drugich kupkach – mjazy drugim na wjeliki a dłujki pśeśěg pó jsy.