Z Města/Cottbus. Wulět jo za źiśi w źiśownjach a šulach pśecej něco rědnego, na což wóni narske cakaju. Wósebnje gaž stoj źiwadłowy kus na planje. To jo se stało 21. do 23. maja w chóśebuskem Piccolo-źiwadle, źož jo było Nimsko-serbske ludowe źiwadło (NSLŹ) z Budyšyna na woglěźe ze swójim pupkowym graśim pód titlom „Kralowka barwow“ pó wobrazkowych knigłach Jutty Bauer.

Jadnab 60 źiśi ze swójimi ceptaŕkami a wótkubłaŕkami jo napněte pśisłuchało, ako jo sobuźěłaśeŕ Piccolo Matthias Heine jim rozkładł, kak ga maju se w źiwadle zaźaržaś: „Smějom mój handy how wužywaś?“ „Ně“, jo jomu „źiśecy chor“ wótegronił. „Smějom se na mójogo suseda zlagnuś, gaž mam tšach?“ „Jo!“