Z Lejna a Ptačec/Geierswalde und Tätzschwitz. Program za lětosny 19. domowniski źeń ewangelskich Serbow we wórjejskem regionje za wětšy źěl stoj. To dajo Heinrich Koch, faraŕ wósady ewangelskeje Janoweje cerkwje Wórjejce-Stare město a sobuorganizator, k wěsći. Pó źaseś lětach se wótmějo domowniski źeń zasej w Lejnje a Ptačecach – lětosa njeźelu, 15. junija.

Pśepšosone su k tomu mjazy drugim generalna superintendentka Theresa Rinecker, superintendent Daniel Schmidt a Joachim Nagel, faraŕ na wuměńku a spócetny iniciator domowniskego dnja. „Pśirada Serbow (Sorben- und Wenden-Beirat) Ewangelskeje cerkwje Barliń-Bramborska-Šlazyńska Górna Łužyca jo pśigroniła 500 euro. Domowina co se wobźěliś z 350 euro. Teke na dalšnych sponsorow se wobrośijomy“, groni Heinrich Koch k financěrowanju.