Zwěrjeńc

W pśiducych 10 lětach kśě něźi 15 milionow euro wudaś za wažne twaŕske źěła a dalšne projekty w chóśebuskem zwěrjeńcu. Tak deje mjazy drugim dostaś pinguiny nowe rědnjejše a wětše pśebywalnišćo (Aufenthalt). Až do lěta 2028 dej se zachod (Eingang) do parka docełego wobnowiś.

Za kólasowanje

Dogromady wokoło 300 napšawow maju w Chóśebuzu prědk, aby dostali za kólasowanje lěpše móžnosći. Mjazy drugim dej se sćažka za kólasowanje na droze do Žylowa nowo napóraś.

Prozne bydlenja

Wót tych jadnab 60.000 bydlenjow w Chóśebuzu jo tuchylu 5% proznych. To jo tšochu mjenjej ako w drugich městach.

Pomoc za ukrainskich

Wót lěta 2022 běchu w Chóśebuzu dogromady 25 pśidatnych luźi we wšakich funkcijach pśistajili, ako su wuběgańcam z Ukrainy na wšaki part k pomocy byli. 15 z nich hyšći za to źěła. Dalej su medicinarje dogromady 9 ukrainskich wójakow a dalšnych wobydlarjow, ako su byli pśez wójnu śěžko zranjone, wugójli. Jano za to su wudali jadnab 400.000 euro.

Hyšći raz BUGA?