Z Města/Cottbus. 1.000 barwojtych a kreatiwnje wupyšnjonych jatšownych jajow pyšnje teke lětosa zasej zjawne naměsta w chóśebuskem nutśikownem měsće. Inspirěrowane wót togo, až mamy temowe lěto „Serbska kultura – tradicija a moderna“ su prědny raz teke wupyšnjenja a motiwy ze serbskeje jatšowneje tradicije pódla.

Wobźělili su se tenraz Witaj-źiśownja „Villa Kunterbunt Cottbus“, Franziska Albertowa – zagronita Domowiny za młoźinske źěło w Chóśebuzu –, někotare se wobźělujuce na akciji k sobugótowanju „Serbske jatšowne jaja wupyšniś“ w běrowje citymanagementa Cottbus/Chóśebuz, europska zakładna šula Regine Hildebrandtoweje, Dolnoserbski gymnazium Chóśebuz, zakładna šula Christopha Kolumbusa, „Lebenshilfe Kreisvereinigung Cottbus und Umgebung e.V.“, „FAW/ Next level“, hort „Pünktchen und Anton“, zakładna šula Astrid Lindgrenoweje a Serbski Muzej Chóśebuz.