Ze Šejnejdy/Schönhöhe. Kak buźomy w pśichoźe raz topiś w našych domach? Z tym se něnto zaběraju wobydlarje w Šejnejźe. Jo to mała serbska wjaska z něźi 50 wobydlarjami wesrjejź góle, blisko Maznikojskego jazora (Großsee), ako słuša do gmejny Turjej.

Su ga mudre luźe měnjece, až by móžno było, ze śopłotu, ako jo w tamnej zemi, wutopiś bydlenja w tych staršych a južo nowych domach. Něźi 10 gradow śopła jo zemja, a 100 mejtari dłymjej jo južo wokoło 13 gradow śopła.

Dla togo su se wumyslili ideju a projekt – mjazy drugim luźe z Bramborskeje techniskeje uniwersity –, až by mógali tu zemsku śopłotu wužywaś za topjenje. Tak by mógali sporomje głowneje wejsneje drogi – pśi njej ga stoj na wobyma bokoma wětšy źěl domow – w zemi rory kłasć, z kótarychž pón pśiźo śopłota do domow. Su woblicyli, až ta ceła wěc by płaśiła něźi 1.5 milionow euro.