Z Města/ Cottbus. Wót 8. do 11. apryla jo woglědała kupka wósym letiskich žeńskich pśedewześaŕkow z wejsnych stronow do Pólskeje a Nimskeje. Wóni su se do togo na wuběźowanju „Europe Direct Latvia“ wobźělili. Pśi toś tom europejskem wideowem wuběźowanju k temje spěchowańske srědki EU su se wuznamjenili pśinoski z nejwěcej pśipóznawańskimi głosami („likes“). Dobywaŕki su w swójich lokalnych zgromaźeństwach derje zwězane, angažěruju se mócnje za wuwiśe jsow a turizma a pśinjasu kreatiwne ideje do swójich regionow.

Program woglěda w Pólskej a Nimskej jo koncipěrował Piotr Firfas, wjednik wót „Europe Direct Zentrum“ w Gubinje, kótaryž jo zaměstnjony w Euroregionje Sprjewja-Nysa-Bobr. Drogowanje jo wjadło pśedewześaŕki nejpjerwjej do Barlinja a Pódstupima. Pó tom su se do Chóśebuza wudali, źož su se intensiwnje ze serbskeju kulturu rozestajali.