Z Bórkow/Burg. W Bórkowach dajo nowego šefa za młoźinu, a wón co se raz cytaŕstwoju Nowego Casnika pśedstajiś. 17-lětny Maks Lehmann pśiźo teke z rodom z Bórkow, jo chójźił na zakładnu šulu „Mina Witkojc\" w Bórkowach a gótujo rowno wukubłanje ako flejšaŕ.

Ako su jogo pśed dwěma lětoma do młoźiny pśiwzeli, njejo plan měł šef wordowaś. Ale ako jo pón wěcej a wěcej luźi jomu groniło, až wón by to dejał gótowaś, jo Maks dał se nastajiś za wólbu – a ned – su jogo wuzwólili za nowego młoźinskego šefa. Wón teke njamóžo se dokradnje dopomnjeś, ga wón jo se rozsuźił to gótowaś. „To jo pó-pšawem pśimajucy proces był, kótaryž jo se skóńcył z wólbu.“