Lětosa mjenjej azylantow

Wokrejs Sprjewja-Nysa jo něnt dostał wót kněžaŕstwa w Pódstupimje powěsć, wjele nowych azylantow deje how lětosa pśiwześ a zastaraś. Wót dogromady jadnab nowych 11.400 wuběgańcow za cełu Bramborsku pśiźo do našogo wokrejsa něźi 600 wósobow. To jo něco mjenjej ako łoni, źož jo było 750 azylantow planowanych. Pśišło jo pak jano 440, a toś lice z tym, až buźo jich teke lětosa mjenjej ako pśipowěźone. To jo krajny raźc Harald Altekrüger na pósejźenju wokrejsnego sejma znate cynił. Rowno tak jo wón k wěsći dał, až jo se łoni 350 azylantow wobźěliło na kursach za nimsku rěc. 160 z nich jo namakało pśez to źěło.

Pśidatny stipendium

za zubnych gójcow

Wót lěta 2023 zapłaśijo wokrejs Sprjewja-Nysa wósebny stipendium za togo abo tu, ako studěrujo w Lipsku sorabistiku na ceptaŕstwo a ako co pózdźej w jadnej šuli we wokrejsu dolnoserbsku rěc wucowaś. Dotychměst stej dostałej dwě studentce taki pśidatny stipendium wót 500 euro w mjasecu.