Z Barlinja/Berlin. Srjodu, 9. apryla, jo se wózjawiło koaliciske dogrono mjazy CDU/CSU a SPD ako rozsuźecy kšac k twórjenju kněžaŕstwa. Mjeńšynowa rada styri awtochtonych narodnych mjeńšynow a ludowych kupkow w Nimskej jo južo pśed wólbami do Zwězkowego sejma „Grundsatzpapier“ z pórucenjami k mjeńšynowej politice pśedpołožyła. Weto se naspomnjeju mjeńšyny w koaliciskem dogronje jano w dwěma sadoma. Pó słowje tam stoj: „Wir bekennen uns zu Schutz und Förderung der in Deutschland lebenden nationalen Minderheiten.“ (S. 85) Na boce 119 slědujo pokaz: „Wir bekennen uns zum besonderen Schutz und einer spezifischen Förderung der gesetzlich anerkannten nationalen Minderheiten in Deutschland: die dänische Minderheit, die friesische Volksgruppe, die deutschen Sinti und Roma und das sorbische Volk.“