Z „palenim“ zwězujomy wjele, młoge dobre a teke młoge, což jo bólosne: paleca lubosć k tomu słuša. Teke my sami, gaž za něco „se palimy“, dokulaž smy zagórjone a se za to zasajźiś comy a to tek cyniś buźomy a wót togo pśecej zasej wulicujomy. Žydy a kśesćijany dopominaju we aprylu 2025 na za wěru zasadne nazgónjenja a wulicuju wót togo!

Apryl – za kśesćijanow jatšowny mjasec. Bog wulichujo ze štrykow smjerśi, rozwěžo zasłapjenja do grěcha a smjerśi. Bog dajo wulichowano górjej stanuś. Górjejstawanje Jezusa to pśed wócy pśinjaso. Nam se zapišo do wutšoby a zmysła: Buź wócuśete, liche góle Boga. My zacuwamy prědny zaśišć (Vorgeschmack) na górjejstawanje, gaž źeń wóte dnja nowo stawamy a se do nowego stwóriśelskego dnja póraś móžomy.