3. pósejźenje Rady za serbske nastupnosći w Pódstupimje

Awtor: Konstanze Kušcyc stwórtk, 10. apryl 2025
Marcus Kóncaŕ. Screenshot: NC

Z Pódstupima /Potsdam. Slědne pósejźenje Rady za serbske nastupnosći w krajnem sejmje jo se wótměło dnja 25. měrca w Pódstupimje. Tobias Dünow, krajny zagronity za serbske nastupnosći, jo dał krotki póglěd do źěła Ministaŕstwa za wědomnosć, slěźenje a kulturu (MWFK). Jaden problem za kuždego jo hyšći njewobzamknjony etat kraja Bramborska za lěśe 2025 a 2026. Jasne jo pak, až musy se licyś ze zažarjenim pjenjez. Ministaŕstwo stoj we wuskem kontakśe ze Załožbu za serbski lud. Nadalej se pśesajźijo w kulturelnem wobłuku 25 projektow z projektowego fondsa „Kulturplan Lausitz“. Tśi z tych projektow pokažu jasne serbske póśěgi. Mjazy drugim jo zapódała Šula za dolnoserbsku rěc a kulturu projekt „Wob styri dnja pó serbskem swěśe/In vier Tagen durch die sorbische Welt“, towaristwo Interforum projekt „Sagenhaftes Lübben“ a Domowinska župa Dolna Łužyca wideo-projekt pód titlom „Co ga było/Was wäre wenn“. Raźiśel Měto Nowak jo se pšašał, lěc su mjazy 73 zapódanymi pšosbami dalšne pśedewześa ze serbskim póśěgom, aby se te na drugi part pódpěrali.

artikel pógódnośiś
(0 )
Pšosym zalogujśo se, cośo-li komentar dodaś
 

Pśiźo k Wam do domu z postom
abo roznosowaŕ Wam jen pśinjaso

  • nejnowše powěsći wót serbskego žywjenja
  • tšojenja, reportaže, portreje, měnjenja
  • ze serbskich jsow a z města
  • wót 26,40 € na lěto

Nowy Casnik skazaś


połny pśistup za Nowy Casnik online a za e-paper

  • cełe wudaśe k lazowanju online
  • archiw slědnych wudaśow
  • fotografije woglědaś, artikele komentěrowaś
  • wót 14,40 € na lěto (za abonentow śišćanego wudaśa jano 9 €)

Nowy Casnik online skazaś