Z Budyšyna/Bautzen. Srjodu, 29. januara, su w Nimsko-Serbskem ludowem źiwadle serbske wósobiny na casnikaŕskej konferency swójo napominanje wusměrili na serbski lud k wobźělenju na wólbach do drugego Serbskego sejma. Cesnoamtski źěłajucy gremium njejo až do togo statnje pśipóznaty. Casnikaŕsku konferencu jo nawjedował Benedikt Dyrlich, kenž jo gromaźe z dalšnymi pśibytnymi pódpisarjami apela wuzwignuł wažnosć wólbow Serbskego sejma a šyroke wobźělenje na wólbach. Někotare z nich su pśi tej góźbje swóju motiwaciju wuzwólowanje Serbskego sejma pódpěraś rozkładowali.

Tomaš Rječka jo na to pokazał, až za „dalejwobstaśe našeje rěcy“ jo „kubłańska awtonomija z mócnym ludowym zastupnistwom pšawy puś.“ Tomasz Nawka jo wažnosć Serbski sejm wuzwólowaś z póglědom do historije wobtwarźił. „Stawizny nas wuce, až jo naš lud bźez swójskeje mócy rozsuźenja pśecej zasej znowa pokazany na pśichylnosć wětšynoweje towarišnosći. Smy z tym kaž grajne balo pó zajmach drugich.“