Pšašanje 1: Cogodla sy se procował/-a wó wobźělenje na projekśe Zorja?

Pšašanje 2: Kaku projektowu ideju maš za pśiduce mjasece?

Pšašanje 3: Kak to źo pó Zorjach za tebje dalej, maš južo pśedstajenje?

1. Som 2018 prědny raz w Chóśebuzu bydlił, a njejsom nic wó tom serbskem wěźeł. 2020 som z drugimi na projekśe „Serbski Transit“ źěłał a tak som se prědny raz rozestajał ze serbskim powěsćowym swětom. Smy teke rěc zaplatli. Som markował, až jo se mě to wjelgin zajmowało, ale daniž njejsom mógał se w rěcy zwurazniś, daniž som něco rozměł. Dokulaž cu na tom pólu dalej źěłaś, jo mě koncept Zorjow wjelgin witany. Kak se how rěc nawuknjo, jo mě se zdało ako nejwěcej se góźeca metoda. A som wjelgin wjasoły, až som tu šansu dostał.