Z Hochoze/Drachhausen. Tyźeń do bramborskich wólbow jo se w Hochozy wótměł 19. Bramborski žnjowny a wejsny swěźeń, a to wót 13. do 15. septembra. Hochozarje su se rozsuźili ned tśi dny rušowaś – nic jano dla bramborskego swěźenja, ale teke dla 520. wejsnego jubileja. Pětk wótpołdnja jo se wótwórił swěźeń z balokopaŕskim graśim SV Drachhausen/Hochoza na športnišću a pótom jo šołta Ronny Henke – wósebnje – hochoski publikum wuwitał. Z muziku „plonow“ (Drachenkombo), kapały Oktoberfest-Spitzbuben a DJ Jannis a Kloß mit Soß su se pśigótowali na wjerašk swěźenja sobotu. Njeźelu ga su hyšći móc měli a su źeń wugótowali ze zajtšnym piwkom, stajanim stogow, žnjownymi rejami a wšakimi koncertami.

Wólbne wójowanje

na swěźenju