W septembrje wótměju se wólby do krajnego sejma Lichotnego stata Sakska a teke Bramborskeje. Tak jo politika abo su politiske aspekty něco, což teke pla serbskego kulturnego casopisa njejźo cele mimo. Juž na zachopjeńku na to starcyjomy. Jonas Pjetaš, student ceptaŕstwa za serbšćinu a stawizny, wiźi, kak pšawicaŕski radikalny wliw teke we Łužycy rosćo a zwuraznijo swójo pśeźěsowanje wó tom, kak wjele Serbow na to zwucone jo, až se jim gramstwo wopokažo – až dajo dosć, kótarež wobglěduju nadpady pšawicaŕskich ekstremistow na Serbow ako něco, což jo njewótwrotne a južo słuša k wšednemu dnju, tak až se wó tom w Serbach malsnje zasej mjelcy. Młody student pak na to apelěrujo, až naše wócy pśed teju realitu nje zacynijomy.

Teke Maximilian Gruber dajo nam doglědy do swójich politiskich wobglědanjow a rozmyslowanjow. Jogo to znjeměrnijo, až jo běrtyl Serbow wuzwólował AfD, a jomu se zda, až se naša towarišnosć slědk wuwija, až progresiwne procowanja njejsu witane...