Nowy Casnik jo južo wó tom pisał, až Federalistiska unija europskich mjeńšynowych narodow FUEN jo wudała za 2024 kalender, kenž nas pśepšosyjo na kulinariske wandrowanje pó kuchnjach europskich mjeńšynow. Recept łužyskich Serbow wšak njejo tam pódla. Ale tak abo znak jo teke zajmne, recepty drugich mjeńšynow – póznaś. Za mjasec julij póbitujo wóny wósebny, digitalnje pśistupny

kalender „kołacz z borówkami“, to groni tykańc z carnymi jagodami. Recept póchada wót pólskeje mjeńšyny w Českej, z historiskego regiona pśi rěce Olsa (česki Olše, pólski Olza). Regionoju se groni Śląsk Cieszyński (tak pólski) respektiwnje Těšínské Slezsko (tak česki) respektiwnje Cieszyński Ślōnsk (tak šlazyński). Nimski gronimy Teschener Schlesien. Dajo źinsa jadnab 38.100 Pólakow w českem źělu Cieszyńskeje Šlazyńskeje. Dokulaž maju carne jagody rowno sezonu, jo redaktorka „Źilka“ wót teje mjeńšyny naraźony recept za tykańc z carnymi jagodami raz wuproběrowała...

A tak se pjaco ten tykańc: