Z Budyšyna/Bautzen. Pód nadpismom „Lausitz – Rio und zurück“ jo Trio Voyage slědnu junijowu njeźelu lětosny koncertowy rěd w Kulturnej zagroźe Serbskego ludowego ansambla (SLA) zakóńcył. Kupka, ku kótarejž słušaju jazzowa spiwaŕka Lena Hauptmannojc, jeje bratš Chris pśi gitarje kaž teke Micha Winkler pśi pozawnje a tubje, jo prezentěrowała program, ako jo wopśimjeł pódla někotarych znatych spiwow Leny kaž „Tysac cowanjow“ a „Słyš mjasecko“ teke adapcije mjazynarodnych titelow wót muzikarjow kaž Lift, Charles Trenet a Antônio Carlos Jobim. Něźi 40 pśisłucharjow jo se tym wuměłcam z mócnym pśiklaskom wuźěkowało.