Z Baršća/Forst. W ramiku wótwoborańskich napšawow pśeśiwo Afrikańskej swinjecej mrětwje (ASP) jo se 8. oktobra 2022 powšykne póstajenje k zwěrjecym mrětwam we wokrejsu Sprjewja-Nysa wózjawiło. Z tym su mjazy drugim zwisali wobgranicowanja w góńtwje a rolnikaŕstwje. Teke natwarjenje barierow za źiwjakow jo notne było.

Źěkowano konsekwentnym a wuspěšnym napšawam pśeśiwo tej mrětwje pśi źiwjakach stej se mó-gałej južo 1. měrca 2024 jědrowej regiona Sprjewja-Nysa-pódpołnoc (Gubin/Guben, Drjejce/Drewitz a Derbno/Schenkendöbern) a Sprjewja-Nysa-pódwjacor (Drjowk/Drebkau, Kózle/Casel) rozwězaś. Wót togo casa jo se „ASP“-situacija we wokrejsu SPN dalej stabilizěrowała.

Jědrowy region Sprjewja-Nysa- pódpołdnjo jo wjeliki teren w pódpołdnju awtodrogi A15 a se rozpśestrěwa wót pólskeje granice pósporomje krajneje granice k Sakskej až k zwězkowej droze B 169. Toś ten jědrowy region źěle wótere źiwjaki wótźaržujuce płoty do tśich wětšych segmentow. Te płoty du do pódpołnoc-pódpołdnjowego směra.