Ze Stareje Niwy/Alt Zauche. Towaristwa graju wažnu rolu pśi zdźaržanju serbskich tradicijow. Tak jo se w Hanškowic domje (Hanschkow Haus) w Starej Niwje 27. junija wótměło druge seśowe zmakanje serbskich domowniskich a tradiciskich towaristwow we wokrejsu Dubja-Błota. Organizěrowałej stej to zagronita za nastupnosći Serbow LDS, Sabiny Kušyna, a regionalna powědaŕka Domowiny, Heike Apeltowa. Fokus jo był na tom, až zastupniki domowinskich kupkow a cłonkojskich towaristwow se wopóznaju, až se wuměnjaju wó nazgónjenjach a idejach, wósebnje wó dobyśu dorosta a wó spěchowanju serbskeje kultury. Sabrina Kušyna jo pśed-stajiła „Směrnicu k spěchowanju serbskego luda we wokrejsu Dubja-Błota“, kótaraž jo na wokrejsnej rowninje jadnorazna w Bramborskej a Sakskej. Směrnica dajo se wótwołaś na www.dahme-spreewald.info w rubriku „Bürgerservice“ pód „Formulare“. Pśiducy Póžedański cas (Antragsfrist) za projekty w lěśe 2025 se skóńcyjo dnja 3. oktobra 2024.