Ze Slěpego/Schleife. W Bramborskej se zachopiju 18. julija lěśojske prozniny a dowóliju tudskim šulskim źiśam pśestawku až do kóńca awgusta. Južo 20. junija su se zachopili prozniny w Sakskej a traju až do drugego awgusta. How móžo zakładna šula dr. Marja Grólmusec w Nimsko-serbskem šulskem centrumje Slěpe na intensiwne šulske lěto 2023/2024 slědk glědaś. To pódšmarnjo šulska wjednica Petra Rübesamowa w aktualnem amtskem łopjenje zastojnstwowego zgromaźeństwa Slěpe. Kubłanje, šport, graśe, wandrowanja a wjele wjeraškow su pregowali to šulske lěto.