Wót slědnego kóńca tyźenja jo se wólbne wójowanje teke za wjelgin dobru partaju Die PARTEI zachopiło. Śěžyšćo plakatěrowanja lažy pśi tom teke we howacej bóžko zabytych jsach regiona. „Pla nas njewóstanjo nichten sam“, groni Torsten Mack/Mak (StVV-kandidat), ako wón glěda na snaź prědny plakat, kótaryž jo se wót lětźasetkow w Zakazni powjesnuł. Na plakaśe pokažomy na pśemalsnu digitalizaciju. Naźejamy se, až namakajomy to how zasej, groni kandidat za wokrejsny sejm (lisćinowe městno 1) a za europski sejm (lisćinowe městno 197) Robert Hanške. Die PARTEI nastupijo pśi pśiducych europskich wuzwólowanjach ze swójima głownyma kandidatoma Martin Sonneborn a Sybille Berg.