Cłowjek se pšaša, kak se aktualna dolnoserbska literatura dalej wuwijo. Ju su wobogaśili doněnta Jurij Koch, Christiana Piniekowa, Fryco Libo, Werner Měškank, Ingrid Hustetowa, Bernd Pitkunings a dalšne. Něnto se jim pśitowarišyjo nowa generacija, kótaraž zachopijo teke wuspěšnje twóriś. Do njeje słuša Jill-Francis Ketlicojc, kótaraž jo južo 2020 w Ludowem nakładnistwje Domowina knigły „Wuchack głupack a druge tšojeńka“ ze tšojeńkami za źiśi a 2021 „Basnjeca banjawa“ ze šybalnymi štuckami za mjeńše źiśi wózjawiła.