Z Chóśebuza/Cottbus. Sobotu, 20. apryla, jo se wótměł w galeriji Fango wósebny wjacor pód motom „Luna-party – wót žeńskich ze žeńskimi – za wšykne!“. Iniciěrowała a moderěrowała jo toś ten diskusijny wjacor pód titlom „Rola žeńskeje w serbskej kulturje“ socialna wědomnostnica na BTU Claudia Arndtowa. Ku tej góźbje jo wóna se rozgranjała z cłonkoma kolektiwa Wakuuma Mira Dubianojc a Luka Golinski, ze załožeńskim cłonkom kolektiwa Annelie Ćemjerec, z rěcneju trenaŕku Zorjow Anna Zachariasojc a z cłonkom kolektiwa Klanki Sofija Cyžec. Głowne temy diskusije su byli kritiske rozestajenja z archaiskimi rolowymi wobrazami žeńskich w serbskej kulturje, glědajucy na nałogi, konflikty mjazy wótwórjoneju młodeju generaciju a konserwatiwneju tradiciskeju (staršeju) generaciju. Kak stoj serbska identita mjazy tradiciju a modernosću? Kake śěžkosći genderowanja dajo w serbskima rěcoma, wósebnje za queernych, diwersnych, nonbinarnych Serbowki/Serbow/Serb...