Sobotu, 20. apryla, jo w telewiziji rbb zasej běžał połgóźinski magacin „Łužcya“ w dolnoserbskej rěcy. Som měnjecy, až jo se wón raźił, samo wjelgin derje. Teke wót drugich som taku chwalbu słyšał. Jo, tak by dejała „Łužyca“ pśecej wuglědaś, jano tak móžo něntejšnych pśiglědarjow zdźaržaś a teke dalšnych pśidobyś w cełej Łužycy a zwenka njeje. Młoge wšakorake pśinoski, dlejše a krotše, a to wósebnje z aktualnego serbskego žywjenja, z našych jsow – to jo to pšawe za ten program, ako jo wiźeś kuždy mjasec jaden raz, a to južo wót lěta 1992! Luźe kśě sebje wiźeś a słyšaś we „Łužycy“, te starše rowno tak ako te młodše. A to jo nejnowša „Łužyca“ slědnu sobotu dojśpiła, wugbała. Toś: dalej tak!