Z Turnowa jo se dostała wjelgin tužna powěsć do cełeje Dolneje Łužyce a teke do Trjebina w Slěpjańskej wósaźe. W toś tej wjelikej serbskej jsy blisko Picnja jo wumrěła 11. měrca znata serbska žeńska – ga Hanka Panowa, žedne mjasece pśed swójim 90. narodnym dnjom. Ako serbska ceptaŕka a dłujkolětna pśedsedaŕka turnojskeje Domowinskeje kupki jo se wóna zasłužyła wjele chwalby a pśipóznaśa, a to napśecej.