Chóśebuz/Cottbus. Južo tśeśi raz jo Dolnoserbska kulturna akademija pšosyła do Pisanego dwórnišća w Měsće, aby k małym jatšam, rozmjej sobotu pó jatšach, zajmcam pisanu wjelerakosć serbskeje kultury zbližyła. Program jo był nabity połny z reju, spiwanim a muziku, a wence na terasy su wšake serbske institucije, towaristwa, rucnikarje a wuměłce pórucyli informacije, publikacije abo něco k baslenju. Njedocakanje jo team Pisanego dwórnišća k wětšemu źěloju jěze z pólskeje kuchnje, ako na pśikład żurek, bigos abo pierogi pśedawał, což jo wjele luźam derje słoźiło. A wukniki Dolnoserbskego gymnaziuma su typiske łužyske mlince pórucyli. Ned zeger 11:00 jo grodkojska kapała „Spremberger Bläsergilde“ z dujaŕskeju muziku zajtšne piwko zazwóniła. Slědowali su chor Łužyca a muskecy a žeńskecy chor z Janšojc z woblubowanymi ludowymi spiwami.