Z Turnowa/Turnow. Pó camprowanju a rejach z liveband „nAund“ sobotu jo turnojska młoźina pśedslědnu njeźelu, 10. měrca, 154. zapust swěśiła. Teke we tom lěśe su se cłonki zapustojskego towaristwa pśi kjarcmje „Zum goldenen Krug“ schadowali, źož jo se kupkowe foto wótmólowało. Pótom su wumaršěrowali k muzice kapały „Peitzer Stadtmusikanten“ a ze spiwanim. Jich jo pśewóźowało wjele pśiglědarjow, pśeto te su měli pla tych 42 pórikow wjele k wobźiwowanju. Jich prědna stacija jo pón była gósćeńc „Kastanienhof“, źož su rejowali a teke prědne paleńce rozdźělili.

Ako pśiduce su k domoju šołty maršěrowali, w kótaremž jo hyšći sedym dalšnych sponsorow. Mjazy drugim stej teke byłej „Landhotel“ a wokolica Mjertyna Monja mjazy tymi dogromady źewjeś stacijami.