Z Wózwjercha/Wußwerk. Gaž we Wózwjerchu, we tej małej błośańskej jsy mjazy Noweju a Stareju Niwu, campruju, pón wóstanjo w tamnych kuchnjach wšo zymne. Tak wobydlarje to sami wulicuju. A chtož jo se raz wobźělił tam pśi camprowanju, ten teke wě, dla cogo to gronje, co to ma na se. We Wózwjerchu ga njetrjeba wót tych camprowaŕkow a camprowarjow nichten wóstaś głodny a łacny. Tam ga jo na kuždem dwórje něco pśigótowane za magan a šyju, jo, napšawdu na kuždem. A tak nje-trjeba doma nichten wariś. Take wót drugich jsow njeznajomy. K piśeju ga nejskerjej drje wšuźi něco dostanu, ale za jězu su póstajone jano někotare dwóry, což se do togo teke pśigótujo.