Samo serbsku tortu běchu napjakli za jubilej Serbskego wuběrka.Južo z lěta 1997 jo Kerstin Kosakowa, doma w Depsku, zagronita za serbske nastupnosći we wokrejsu SPN.Romy Roffojc z Janšojc – pózdźej co źěłaś ako nowa zagronita ze serbske nastupnosći we wokrejsu SPN.Margit Neugebauerowa z Drjowka jo wót lěta 2019 pśedsedaŕka Serbskego wuběrka we wokrejsu Sprjewja-Nysa.

W juniju togo lěta se wuzwóliju tež w Dolnej Łužycy nowe parlamenty we wokrejsach, městach a gmejnach. Pśez to něnto wšake komunalne gremije kšac pó kšacu zakóńcyju swójo źěło a śěgnu bilancu, co su naźěłali.

To jo teke cynił Wuběrk za serbske nastupnosći we wokrejsu Sprjewja-Nysa. Ten jo se zmakał 6. měrca k swójomu slědnemu pósejźenju w něntejšnej legislaturnej perioźe w Domowniskem muzeju w Dešnje. Pśi tej góźbje su teke slědk glědali na 25-lětne wobstaśe togo serbskego wuběrka. Ten jo dobry pśikład za wšykne nimsko-serbske wokrejse w cełej Łužycy.