Z Chóśebuza/Cottbus. Zachadny pětk jo Šula za dolnoserbsku rěc a kulturu do Serbskego domu na studijny źeń pśepšosył, na kótaremž su se zaběrali z aktualnymi pšašanjami a problemami kołowokoło serbskeje rěcy. W prědnem pśednosku stej dr. Emily Bartholdowa (Bramborska techniska uniwersita Chóśebuz-Zły Komorow) a dr. Willi W. Barthold (Techniska uniwersita Drježdźany) pód titelom „Perspektiwy za zdźaržanje a rěcnodidaktiske pósrědnjenje serbskeju rěcowu“ z pomocu praktiskego pśikłada konkretne wuceńske metody a wugótowańske principy za wucbne materialije pśed-stajiłej. Wónej stej kśěłej pokazaś, kak móžo inowatiwny wuźěłany wucbny plan w rěcnem kubłanju dorosćonych k rewitalizaciji serbskeju rěcowu pśinosowaś.