Rěcny centrum WITAJ pśinosujo aktiwnje k zdźaržanju a rozšyrjanju dolno- a górnoserbskeje rěcy. Za wšykne powědarje a wuknjece serbskeje rěcy wuwijamy atraktiwne wucbne srědki a organizěrujomy rěcne projekty z pedagogisko-dožywjeńskim charakterom ako teke wósebne rěcne kurse a dalejkubłanja. Naše digitalne rěcne pósłužby wuwijamy stawnje dalej.

K nejblišemu terminoju dej se městno

wědomnostnego sobuźěłaśerja (m/ž/d)

wobsajźiś.

Pytamy rěcno-didaktiski abo na linguistiskem pólu wukubłanu a pedagogiski nazgónjonu wósobu ze znajobnosćami dolnoserbskeje rěcy.

Źěłowe wobłuki

• wuźěłanje zwucowańskich a pśespytowańskich materialijow

za certifikatne pśespytowanje w dolnoserbšćinje

• wědomnostne pśewóźowanje dwójorěcnego kubłanja

a wótkubłanja w šulach a hortach

• naźěłanje materialijow za rěcno-didaktiske dalejkubłanje

ceptarjow a hortnaŕkow a pśewjeźenje dalejkubłanjow

• fachowe póraźowanje ceptarjow serbšćiny

Wuměnjenja za pśistajenje

• wótzamknjony wusokošulski studium we wobłuku ceptaŕstwa

rěcow abo linguistiki