Z Chóśebuza/Cottbus. Zachadnu srjodu jo Serbski institut gromaźe z Domowinskeju župu Dolna Łužyca prědny workshop k tematice „Praktiki imaterielnego kulturnego derbstwa w Dolnej Łužycy“ pśewjadł. To jo pśizamkujucy projekt k „Systematiskemu a aktualizěrowanemu dokumentěrowanjeju nałogow a swěźenjow w Dolnej Łužycy“ (NC09/2024). Do Serbskego domu pšosone su byli aktery serbskich nałogow, ale teke sobuźěłaśerje serbskich institucijow, kótarež na wšakich pólach kultury statkuju, su se na zmakanju wobźělili.
Pó wuwitanju dr. Ines Kelleroweje, Serbski institut, a regionalneju powědaŕkowu župy, Heike Apeltoweje a Karin Tšukoweje, stej ekspertce imaterielnego kulturnego derbstwa UNESCO w Bramborskej, Katrin Seitzowa, a w Sakskej Antje Reppowa (Reppe), pšosbustajenje a dalšne póstupowanja za pśiwześe a zapisanje kulturelnych praktikow do lisćiny rozkładowałej.