Z Chóśebuza/Cottbus. Kužde lěto pśigótujo Serbski ludowy ansambel (SLA) za naše źiśi wósebne pśedstajenja ptaškoweje swajźby a kužde lěto se wumysliju kreatiwniki ansambla nowe, zapśimujuce wulicowańko z muziku a reju. Lětosa jo jadnab 1.400 dolnołužyskich źiśi ze 16 šulow a 20 źiśownjow toś take wósebne pśedstajenje dožywiło, a to zachadny stwórtk w Chóśebuskej měsćańskej hali. „Ak jo z wětšom pśišeł“ jo źiśam góźinski wót- měnjajucy program z baletom, muziku a spiwanim póbitował, a wósebnje za małych wažne: luštne a komediantiske elementy. Kócor jo cesto take něco póbitował, a tak jo wón w běgu kusa nejlubša figura wordował.