Z Błobošojc/Bloischdorf. Dolnołužyska serbska muzejowa wjas Błobošojce – tak jo jeje dopołne mě – docaka teke lětosa zasej wjele gósći. K tomu jo se mjaztym zarědowański plan za lěto pśedstajił. Jo wótměnjaty a wopśimjejo pódla togo, což jo wuprobowane, teke nowe póbitowanja. Wuzwignuś ma se fakt, až se zapśěgnu regionalne póbitowarje z Grodka rowno tak ako wuměłce a wuměłcowki wótnazdala. Ten kóńc tyźenja južo wugótuju bal larbatych z DJ Dr. Taste a wjednikom larbatych Rüdiger Budek ze susedneje jsy Lěšće (Hornow). To jo tradicionelny a woblubowany wjacor. Dalšne regionalne źěłaŕstwo wugbajuce kśě póstrowiś pśi zarědowanju ku dnju žeńskich dnja 9. měrca zeger 15:00 z pśeglědku mody grodkojskeje lody „Taschentraum“.