Smogorjow/Schmogrow. Z muziku a reju zymu wugnaś – to jo wót mjaztym 149 lět woblubowana tradicija w Smogorjowje. Wót togo casa dajo se smogorjojski zapust dopokazaś. Młoźina jsy woplěwa toś ten rědny, stary nałog, a teke lětosa jo se jim to radosć napórało, jen zasej ze žywjenim połniś. Južo stwórtk pśed dwěma tyźenjoma jo se zachopił zapustojski marathon w Smogorjowje. Młoźinski šef Tom Siegert jo pšosył na zwucowanje spiwow do młoźinskego kluba. Pśi toś tej góźbje jo se teke lětna licba na „klambawje“, symbolu smogorjojskego zapusta, aktualizěrowała.