21 rogozańskich šulskich źiśi jo se w pyšnych kostimach zgromaźiło, aby pó swójom měsćańskem źělu camprowali. 
Z Rogozna/Willmersdorf. Wšojadno, do kótareje šule chójźe, a wšojadno, w kótarej rědowni su – slědnu sobotu su byli rogozańske šulske źiśi zasej wutšobnje do zgromadnego camprowanja pó Rogoznje pśepšosone. Až take se wótmějo, jo póměrnje nowe. Wacej su w Rogoznje jano młoźina, dorosćone a źiśi źiśownje camprowali. Šulu w Rogoznje ga njamaju, ale – se wě – šulske źiśi.
njeźela, 19.05.2024
