Krotko pśed gódami jo nagrawał pśedsedaŕ Zwězka serbskich wuměłcow (ZSW) Jan Bělk wideo z comicowym wulicowańkom „Wódny muž“ w Lubnjowje bydleceje Karen Ascheroweje. Wuměłcowka jo južo wótere grafiske źěła ze serbskeju tematiku zgótowała. Z tekstom wó wódnem mužu, kenž jo Bernd Pittkunings do dolnoserbšćiny pśestajił, jo se wóna łoni na literarnem wuběźowanju Domowinskeje župy Dolna Łužyca wobźěliła. Romy Ruffowa z Janšojc jo tekst za wideo cytała. Nagrawanje jo se pśewjadło w „rěcnem gnězdźe“ ZORJA w Dešnje. Wideo, kenž jo z někotarymi grafikami wobogaśony, jo wózjawjony na kanalu „serbskiTV“ na Instagramje https://www.instagram.com/serbskitv/ a na YouTube

https://www.youtube.com/watch?v

=WmZPjM8PoBc&t=130s.