Z Hochoze/Drachhausen. Stwórtk tyźeń jo se wótměła we Hochozy prědna woklapnica pó koronje a prědna za šołtu Ronnyja Henkela. Su byli śěžke case w slědnych lětach. Źěl gmejnskego zastupnistwa a šołta stej se změniłej w běžecem amtowem casu. Weto jo se młoge zrealizěrowało we Hochozy: 2021 jo se źiśownja wótwóriła, drogi we wejsnyma źěloma Hugon (Aue) a Pódgóla (Heide) su se saněrowali, śpy w kulturnem centrumje gmejny su se wobnowili a na kjarchobje jo se stajił nowy płot. Mimo togo jo se tam etablěrowała zelena łuka za anonymne póchowanje popjelnicow.