Z Janšojc/Jänschwalde. Pśi zakopowanjach w serbskich jsach se woblekaju serbske žeńske carnu drastwu a k tomu se stajaju běłu lapu. Až to njejo wótzabyte, smy mógali dožywiś slědny tyźeń stwórtk na kjarchobje w Janšojcach. Tam běchu wobydlaŕki a wobydlarje a dalšne luźe se zgromaźili w radnej licbje, aby pśewóźowali znatu serbsku Janšowaŕku na jeje slědnej droze. Tu cesć su wupokazali Lizce Měškowej, ako běšo drugi gódowny swěźeń, krotko pśed 93. narodnym dnjom, doma w krejzu familije wumrěła.