Ze Žylowa/Sielow. Wěcej ak ducent nimsko-serbskich namšow dajo w běgu lěta. Za wětšy źěl je organizěrujo a pódpěrujo Spěchowańske towaristwo za serbsku rěc w cerkwi z.t. (STSRC). Prědna w nowem lěśe jo se wótměła slědnu njeźelu w Žylowje, źož jo faraŕka Katharina Köhlerowa teke znatego serbskego pěsnjarja Bernd Pittkuningsa pśepšosyła. Z někotarymi serbskimi spiwami, kótarychž wopśimjeśe jo se orientěrowało pó liturgiskich tekstach a pó wopśimjeśu prjatkowanja dnja, jo wón namšu wobrubił, pśi tom grajucy na gitarje. Prjatkowanje jo měła dwa źěla. W prědnem wótrězku jo pśedsedaŕ STSRC dr. Hartmut Leipner zapokazał tych něźi tśi ducent namšarjow do swěta kralowki wót Saby a krala Salomona. W drugem wótrězku jo faraŕka teke w serbskej rěcy tu mjazsobnosć wobeju bibliskeju póstawowu wopisała a jo póśěgnjenje k aktualnej situaciji na swěśe wułušćiła. „Ach gaby źinsa było mjazsobne wobchadanje w rowno takej dobrej wobjadnosći.