Z wokrejsa SPN/Spree-Neiße-Kreis. Južo wušej tśi lěta dłujko ma se wokrejs Sprjewja-Nysa běźiś z teju afrikańskeju swinjeceju mrětwu. W septembrje lěta 2020 ga běchu how pla jadnogo źiwjaka namakali toś tu tšašnu chórosć, a ta jo se pón bóžko rozšyriła w drugich stronach Dolneje Łužyce a Bramborskeje, a to głownje w stronach pśi Nysy a Odrje, to groni pśi pólskej granicy. Zwěsćiło jo se, až su źiwe swinje z Pólskeje pśinjasli tu mrětwu do Nimskeje. Za nje ga njejo śěžko, plěwaś pśez tu rěku.